कोण तिथे राहतो?

पडका जुनाट वाडा ,

उभा रात्रीच्या काळोखात ,

करून गीत कोणी गाते,

त्या किर्र्रर्र्र काळोखात ,

भयाण शांतता ती ,

कधी घुत्कार घुबडांचे ,

आवाज दूर घुमती,

कधी आर्त किंकाळ्यांचे ,

बाळाचे रडणे कधी हसणे,

कधी सूर अंगाईचे,

कधी रडणे ,

मातेच्या आक्रोशाचे ,

पाळण्याची दोरी तिथे कोण हलवितो ?,

कोण देई झोका बाळ शांत पेंगतो?,

प्रश्नांतून प्रश्न हा अनुत्तरित राहतो,

निर्मनुष्य वास्तूत या कोण तिथे राहतो?

कोण तिथे राहतो?

                                   @किर्ती कुलकर्णी