दर्शन दे रे पांडूरंगा आता!!!

 तु श्री कृष्ण तुच पांडूरंग

तूच आहेस वाणीतील अभंग....

तुझे नाम घेता,

तुलसी असे माथा

दर्शन दे रे पांडूरंगा आता!!१!!

तुच ध्यानी मनी

तुच वसे वचनी

तुज संग शोभे माय रुक्मीणी

गाभाऱ्यात उभी आहे

कान्होपात्र

दर्शन दे रे पांडूरंगा आता!!२!!

तुच तुलसी माळ

तुच वाजवी टाळ

तुच आहेस यशोदेचा बाळ

तुला आठविता

दिसे माता पिता

दर्शन दे रे पांडूरंगा आता!!३!!

उभा विटेवरी

कर कटीवरी

मस्तकी शोभे तो जटाधारी

तुझे रूप पाहता

आसु नयनी दाटता

दर्शन दे रे पांडूरंगा आता!!४!!

संत दयानेश्वर, मुक्ताई नि जनी,

तुच आहेस संत शिरोमणी,

तुझ्या पायी आता

जागा द्यावी तत्वता

दर्शन दे रे पांडूरंगा आता!!५!!

                   किर्ती कुलकर्णी

मला किव आली !!!

 तेव्हा त्यांची किव आली.......

सोन्यानाण्यात मला मडवल,

हिर्या मोत्यात तोललं,

काही दिवसांनी बापाकडून घेतलेल्या हुंड्याबद्दल कळलं,

तेव्हा त्यांच्या सोने, हिरे मोत्यांची मला किव आली !१

मला पूर्ण शिक्षण दिलं

मला १०० % च्या मार्कात लोळवळ,

माझ्या करिअर च्या कळसावर मला पोहचवलं,

पण नवरा म्हणतोय म्हणून नौकरी सोड सांगितले,

तेव्हा मला त्यांच्या भिकारड्या विचारांची किव आली !२

रोज मी कामावरून येऊन जेवण बनवायचे,

सगळ्यांचे सगळं सांभाळायचे,

एकदा तब्बेत ठीक नसताना,

नवर्याकडे पाणी मागितले तर तू पाप केले हे ऐकले,

त्यावेळी मला त्यांच्या संकुचित विचारांची किव आली!३